[ne] doet men das niet; men sald vord oechen
van viertien nachten t[e] v[ie]rtien nachten. of men ne maechd niet
bedinghe[n] [ende] [men] sal dien banling houden in dien ban vor den
here. ende dat sal de here berechten te sire naster coemst. Came die
30mesdadeghe vor des heren comst in middelburg; men soudene houden
ouer zine mesdaed. ende over des heren recht ende der port. Striden
landlieden onderlanghe bin der port, men salze alzo bedvinghen; a[l]s
hier voren gheschreuen es van den landman die strijd weder portre bin
der port. Sowie dat de clocke slaed zonder ghemenen raed; hi betred den
35here .iij. lb. ende der port .i. lb. Wie dat ten clockeslaghe niet ne comd,
hi sald betren den here .x. sol. ende der port .v. sol. Negheen man ne
mach portres goed van middelburg. veruechten of verboren; portre ne
verbord zelue, of veruechte met zire hant. Wat portre zin erue vercoept;
bin .xl. daghen na dien dat hi de ghifte gheuet; moecht zine aneborden
40hebben om dat zelue gheld dat si vercoft es. Waren daneborden buten

59

1lande, binne .xl. daghen na dien dat si int land comen moegh zi die erue
lossen. ende de vercopre zal sveren zin aneborden hu diere dat land es
vercoft. Na dien .xl. daghen ne hebben de aneborden gheen talen an
die erue. Heuet die copre die penninghe vergouden; men zalse hem
5wedergheuen med alsulker vromen; alse schepenen redene dinkt. Broeder kind.
ende zuster kind ende narre; die zijn aneborden. Wat mesdade die
gheschied bin middelburg. als de here es tusche bornisse ende hedinzee
dat zal men betren tvischatte. Sowat mesdade binne middelburg
gheschiet; die ne salmen niet hogher betren dan vierschatte; het ne zi
10reroef, dien men betret neghenschatte. Niemene nemoet aresteren ne
panden portre uan middelburg. bin den graueschepe van holland, zonder
om zijn eghine schoud. Sowat portre dat ambocht hefd, hi mach dat
ambocht ende de lieden dier in woenen veruogheden; als of hi zelue int
ambocht woend[e.] Sowat zo schepenen van middelburg ende portres die
15sire toe nemen maken bi ghemanden ede ter port nutschepe dat in die
chore niet ne staed; dat moet bliuen ghestade. Sowat manne van buten
walchren die recht wille hebben van onghesekerder schoud van portre
van middelburg. binne middelburg. de rechtere ende die schepene
zoelen hem recht doen hebben up den andren dach na dien dat hijt
20escht. Schepene van middelburg. met den schouthete of met den
boerchmeistre moeghen ghiselen hare portres dar si tvist vp vermoeden
of die tvist hebben ghedaen; ende die ghisele sal men legghen dar
schepenen goed dinkt. ende die die ghiselinghe wederzecht; of der ut
gaed het ne zi bi schepenen; hi uerbord .x. lb. ieghe den here ende .i. lb.
25ieghe de port. Sowat mesdade die loept ant vierendeel van enen man of
dar bouen, dat sal de here berechten. of de ghene die rechtre es ouer al
zeland. of die ghemene rechter es bewester scheld. Sowat zo schepene
gheschied in ghemenen stride dar hi zelue stridere es; dat salmen
betren ghelijk ofd en andren portre ware gheschied. Omme dat dese
30chore stade bliue ende ewelik; zo hebben wi ze ghedaen beseghelen med
onsen konegheleken zeghele. Ende verbieden dat bi onser koninghleker
gheweld ende onser graueleker gheweld. dat niemene weder dese chore
ne doe. ende die dat dade; hi soude hebben onsen evelenmoed.
Behouden in allen sticken. onser koningleker ere ende recht ende onser
35graueleker. Dese brief word ghegheuen ende ghezegheld tot
dordrecht in zinte gregorijs auende die was in ons heren dusentechste
iaer. ende tve hondertechste. endedrie ende vichtechste. endetvelefste
indictie.