1931

Wi jan die keiser, jacob her wigghers sone, ende gillis ver haedwien
25sone Scepenen in dordrecht, Orcunden, ende kennen. Dat her willem
dukinc die houder es van desen brieue, ghepant heuet alsulke eruen.
ende husinghen, als her ghise hadde legghende binnen der port van
dordrecht doe hi lest te liue was. Ende nu ter wilen sinen kinderen ende
sine arfnamen ane bestoruen es, vor alsulke scout, als die vorseide her
30ghise, den vorseiden haren willeme, sculdich es, des hi goede brieue of
heuet, beseghelt met scepenen seghele van dordrecht. Jnden ersten. So
heuet her willem dukinc, ghepant. dat halue hues ende dat halue erue.
dat vor her willems dukincs leghet ter hauenen waert ende dat daer toe
behoert die helt oestwaert. Ende dat halue hues. ende dat halue erue,
35daer her willem dukinc nu ter wilen selue in woent. ende dat daer toe
behoert in die helt vanden huse, ende erue. dat her ghisen was.
westwaert. Ende dat halue hues, dat staet, tusschen brandenborgh, ende
den huse daer her willem dukinc in woent, ende dat daer toe behoert.
Ende die helt vanden huse, ende vanden erue, van brandenborgh ende
40dat daer toe hoert, die helt oestwaert, Ende die helt, vanden meelhuse,
ende dat daer toe behoert, Ende die helt vanden erue, daert windaes vp
staet vander haluer straten ter hauenen waert ende dat daer toe hoet
, ende dat gheleghen es tusschen den meelhuse, Ende copsoeten erue,
Ende vort, die helt vanden erue, dat gheleghen es, alre naest
45brandenborgh westwaert, vander haluer straten achterwaert also verre

1932

1alst gaet, ende dat daer toe behoert. Ende vort so heuet die vorseide her
willem dukinc ghepant, die helt vanden erue, dat naest jans vos
gheleghen es vetwaert daer willem vaniet nu ter een hues vp staende
heuet, vanden enen watere ten anderen dat ghelt. drie. lb. v. ᨣ min.
5sjaers. Ende dat halue erue vanden enen watere ten anderen. daer nu
ter wilen. zegher wellins sone vp woent, dat gheleghen es naest apers
huetwaert. dat rent .xxxv. ᨣ jaerlics. Ende die helt vanden erue daer
heinekin die linemakere vp woent. dat rent .xv. ᨣ jaers. Ende vort die
helt vanden erue. daer crulleboie vp plach te wonene. dat rent .xvii½.
10ᨣ jaers. Ende die helt vanden erue, daer crulleboyen moeder vp woent.
dat rent .vii½. ᨣ jaers, Ende dat halue erue. daer hildebrant vp woent dat
rent .xv. ᨣ ja[ers.] Ende dat halue erue. daer jan die linemakere vp
woent. dat rent .xx. ᨣ jaers. vort die helt van allen den eruen die in die
kauwersine steghe legghen, also verre alse haren ghisen toe hoerden,
15doe hi lest te liue was., Ende vort die helt vanden erue, ende vanden
steenhuse dat lijchtenberch heet. daer nu ter wilen die lonbarde vp
wonen. Ende al dat daer toe behoert, Dat rent .xii½. lb. jaers, ende .v. ᨣ.
voert dat halue erue. daer willem robrachts neue vp woent. dat rent .x.
ᨣ jaers. Ende dat halue erue daer boudin. voren eliaerden sone vp woent
20dat rent .xv. ᨣ jaers. Ende dat halue erue. daer gillis vanden wale vp
woent .xv. ᨣ jaers. Ende vort die helft vanden erue, daer heinric die
cupere vp woent .xv. ᨣ jaers. vort, dat verendeel vanden erue, daer
hannekin gheraerds rees sone vp woent. dat rent .xi½. ᨣ jaers. vort
kennen wi. waer dat sake. dat haren willeme yet ghebrake. andesen
25husen ende eruen. die hier vor screuen staen. van tuiscatte panden. dat
soude die vorseide her willem vervaen. an anders saren ghisen goede.
waert gheleghen es. ende ment bewisen mochte. Ende scepenen
ghewijst hebben. dat hem niet scaden mach te sinen rechte. met eenen
vontnesse. Jn orcunde desen brieue. die was ghegheuen int jaer ons
30heren .m'ho.cc'ho. Drie ende Neghentich vp sente margrieten daghe.