402
[Enaamse] [codex]
[Van] [der] [sielen] [ende] [van] [den] [lichgame]
Dat dien meest duegden sijn ghegeuen
Dat ghod eehst oec meest van hem
15Recht ende redene entie scrifture
Ropen dit selue al ouer al
Dus salt di witen in elker v[r]e
Onse here meer dar hi mi sal
Want redene ende verstannesse
20Heeft di ghegeuen ghod onse here
Wlmaecten sijn ghedinkenesse
Ende oec te leuene embermeere
Dar du sculdech wars mede
Den quaden wille te wederstane
25Ende gode ghewerke in elke stede
Te begharne ente anegane
Na dien da[tti] onse here ghot
Dus vele duegden heeft ghegeuen
Twi wrochstu na min ghebot
30Dat ti in sonden dede sneuen
Ende mine smekinghe ende min beheet
Dat so ne wederstontstu niet
Dat heeft ons beeden in groet leet
Brocht. ende in wel suvaer verdriet
35Dus eist kinlech sonder waen
Alder werelt bi wareeden
Dat tu meer vele heefs mesdaen
Dan ic doe in allen steden
Wat eist vlesch wel lieue care
40Alse de siele der buten es
Nembermeer roert het der nare
None siet none sprect sijt seker des
403
1Tvlesch mach doen niet een tuint
Bi hem seluen de siele doet leuen
Du dinchs mi dulre dan een kint
Dat tu mi opties onse sneuen
5Hadstu ghode wlmaectleke
Ghemint ende ghedaen eere
Te derre pine [se]kerleke
Waer wi niet comen nembermeere
Als hic leefde op aerderike
10So wasic een hoeuerdech man
Ende at ende d[r]anc verwendelike
E[nde] [go]udine cleder droeghic an
Wa[t] es nu bleuen sech op mi
Van deser groeter verweenthede
15Dit nauwe huus dar ic in zi
Ne knaghen de worme niet mine lede
Ende darto onverwinlec stanc
Die mi torment oec harde sere
Dit es de loen dit es de danc
20Die na de welden gheft onse here
Oec wetic wel dat ic verrisen
Sal te domesdaghe sonder wanc
Ende metti in alre wisen
Ghepijnt sijn inder hellen stanc
25Dan eerst salic steruen metti
O wi wat yseleker dode
Die sonder ende sal pinen mi
Metti dan inder hellen node
die arme s[ie]le riep mettien
30Met eere s[te]mmen ontfarmelike
Ay mi tuuj moeste dat ghescien
Dat hic noit leuede op aerderike
die stomme beesten mogen wale
Louen ghode van hemelrike
35Har gheest hi sterft alte male
Metten vlessce op aerderike
Na haer doet ne warsi niet
Ten onverwinleken meswende
Vergaue ghod die alle dinc siet
40Dat dus daen ware der quader ende
Na dese worde sprac die lichgame
Toeter zielen die vor hem stont
Sech mi ofti es bequame
404
1Waerstu inder hellen gront
Of tu wars inder hellen noede
Ic bidsti wat vernaemstu daer
Donsaelghe sielen sulsi van gode
5Genade vinden noch hier naer
Seghe mi van den edelen lieden
Ende van den riken op aerderike
Dien alsi leefden haer maisnieden
Dienden hem sere oemoedelike
10What gheredemen dar den riken
Ende de edele wat hebben si te lone
Die al de werelt hem daden wiken
Alse zi saten in haren throne
Sech mi of men menstse verloesen mach
15Met peninghen of met andren ghode
Dat si gaderden m[e]enghen dach
Met swarre pine ende met aermoede
die siele spac te haren gheselle
Die hare iamberleke mesliet
20Wie so ghewijs wert ter helle
Danen machi comen niet
de hope van verloessinghen
Hebsi verloeren dats warhede
Alemoescenen no bedinghen
25Ne connen hem ghehelpen in die stede
Alwar dat ghode baden
Alle de heelghe liede ghetrovwelike
En tadt vaste in allen staden
Tvolc algader van aerderike
30Ente waerelt ghaue al haer ghoet
Om enen die inde helle es
Het ware nochtann[e] [t]cheghenspoet
Dat men pinde dies sijt ghewes
de duuel ghaue ene siele niet
35Om al dat seluer entat ghout
Dat ghod noch nie werden liet
Die hi heft in siere ghewout
No hine ghedoeghede niet dats war
Dat soe sonder pine eene wile ware
40Om .m. marc van ghoude claer
405
1So wreet es hi altoes op hare
Vp dat tu vraghets antwordic ti
Wat men den riken gheredet dar
Enten edelen oec gheloeft des mi
5Want het es ghescreuen ende het es waer
So wie so edelst ende rijst es
Ende dar toe van groeter maisniede
[Van] [sente] [Caterinen]
10Si segghen alle nu montghemene
Dat hi es vrai ghod allene
Want vwe affeghode ne hebben macht
Ne ghene wile dach no nacht
Waendi dat ghod niet wreken ne sal
15Tquaet dat ghi den kerstinen doet al
Jahi sekerleke teghoeder trowen
Ende v saels noch wel sere berowen
Alse de keiser dit hadde ghehoert
Van sinen wiue al dese wort
20Hem verwandelde al sijn moet
Ghelijc dat enen verwoetden doet
Om datter liede so vele tewaren
Ane ghode doe bekert dar waren
Nochtanne was hi in therte binnen
25Droeuer van der keiserinnen
Dat soe to hem so hadde ghesproken
Ende sine ghebode mede tebroken
Doe seidi vrowe wat meent di
Dat ghi aldus hier spreect te mi
30Mi dinct dat ghi sijt verkert
Ende hebt der kerstine wet ghelert
Ende ghelaten onse ghode [dit] verstaet
[Seker]leke [na] der kerstine raet
Hic hebber vele ghedaen doeden
35Van den ghenen die mine ghoden
Lieten. ende braken mijn ghebot
[E]nde gheloefden ander kerstine ghod
[D]at selue tempeest sie hic van v
Dat rout mi sere int herte nu
406
1Het dinct mj wesen wonder groet
Want ghi sijt mijn bedde ghenoet
Ende mijn ghetrovde wijf
Ghi sout mi lief hebben alse v lijf
5Dat ghi scieghen mj wilt sijn
Dat versuvaert mi therte mijn
Na dien dat ghi sijt ghekert
Enter kerstine wet hebt gheleert
Ende mine ghode hebt ghelaten
10Dat es dullede bi caritaten
Want wart dat sake dat hic nu liete
Dese dinc nu ghaen te nieute
Binnen roeme wel vele vrouwen
Souden hem houden te ghoder trowen
15An vwen ghod ende laten den haren
En tarna souden si dan tewaren
Hare manne alle bekeren
Enter kerstine wet hem leeren
Dan soudic saen wel cortelike
20Ontaerft sijn van minen rike
Bider trovwen die hic bem sculdech
Minen ghod die es machtech
Ne wildi niet laten vwe dullede
Enter kerstine wet oec mede
25Hic sal v thoeft af doen slaen
Ende als men dat heeft ghedaen
So salic v doen werpen sciere
Vor de vogle ende vor de diere
Ay v hoft ende vwe lichgame
30Was mi oit