88
windeke.- van lande te wijendeke.
89
1Allen den ghenen die dese lettren sien Jc niclais baliu van Aelst groete
v in onsen here, weet alle dat ic bi ontbiedene mire wrouwen der
graefnede ende bi hare lettren daer toe specialec mi broecht alse beliu
mire wrouwen der graefnede was daer oste mijns ser osts sone balghers
5tsridders ende adelisa sijn wijf wettelec vercochten vi. buenre lants
ligghenda in de prochia van windeke. den hospitale der beghinen van
der hoyen van ghent, ende ic na de vpdraghinghe ende de werpinghe
van den vorseiden osten ende sinen wiue wettelec ghedaen na de weet
ende de costume van den lande ende bi vonnesse der man daer toe
10behoerende dospitael vorseit in tforseide lant alse beliu van mire
wrouwe weghen der graefnede hebbe gheeruet, dat selue hospitael quite
roepende van mire wrouwen weghen der graefneden van allen rechte
sleens in tvorseide lant, sonder .ij. d tsiaers van elken buenre iaerlijcs
chens ten briuen mire wrouwen der graefneden tote aelst te sente baues
15messe van dien hospitale te gheldene, Jn orconscepen ende
bewaeringghen welker dinghe ic mine lettren gheseghelt met minen
zegle den vorseiden hospitale hebbe ghegheuen, Dit was ghedaen int
iaer ons heren .m'ho; cc'ho; lxvi'ho satterdaghes vore de gheboernesse sente jans
babtists;
Notes:
Page 89, line 52
seighendoems